Gadael Gwaddol Barhaol

Mae Parc Cenedlaethol Arfordir Penfro yn un o’r tirweddau a drysorir fwyaf yn y DU, sy’n enwog am ei glogwyni garw, ei draethau hirfelyn, a’i fywyd gwyllt amrywiol. Drwy adael rhodd yn eich ewyllys, gallwch helpu i sicrhau bod yr arfordir unigryw hwn a’i fywyd gwyllt yn parhau i ffynnu, fel y gall cenedlaethau’r dyfodol brofi’r un harddwch naturiol sy’n ysbrydoliaeth i bawb ohonom.

Pam Gadael Rhodd yn Eich Ewyllys?

Helpwch ni i Warchod Harddwch a Threftadaeth Arfordir Sir Benfro

Mae’r gwaith a wnawn i warchod a meithrin cynefinoedd, bywyd gwyllt a threftadaeth unigryw Sir Benfro yn bwysicach nag erioed. Mae pob rhodd, waeth pa mor fawr neu fach, yn ein helpu i gyflawni’r canlynol:

Gwarchod Cynefinoedd Gwerthfawr

Bydd eich gwaddol yn cynnal ymdrechion i ddiogelu rhywogaethau ac ecosystemau bregus.

Cynnal Llwybrau Troed a Llwybrau eraill

Sicrhau bod harddwch naturiol yr arfordir yn parhau i fod yn hygyrch i bawb drwy gynnal a gwella ein rhwydwaith eang o lwybrau.

Gwarchod Bywyd Gwyllt

Helpwch ni i fonitro a gwarchod y rhywogaethau prin y mae Sir Benfro yn gartref iddynt, o adar y môr i forloi a gloÿnnod byw.

Ymgysylltu â Chenedlaethau’r Dyfodol

Cynnal rhaglenni addysgol sy’n ysbrydoli’r genhedlaeth nesaf i garu a gofalu am ein hamgylchedd arfordirol.

“Drwy adael rhodd, gallwch helpu i gynnal treftadaeth naturiol a diwylliannol y Parc am flynyddoedd i ddod.”

Sut mae Gadael Rhodd

YN EICH EWYLLYS

Mae gadael gwaddol yn syml. Ar ôl i chi wneud trefniadau ar gyfer eich anwyliaid, gallwch gynnwys rhodd i gynnal Parc Cenedlaethol Arfordir Penfro. Gallwch wneud hynny drwy eich cyfreithiwr.

Gwneud Ewyllys

Mae pob rhodd, waeth pa mor fawr neu fach, yn gwneud gwahaniaeth. Gallai cyn lleied ag 1% helpu i ofalu am y lle hardd ac arbennig hwn fel ei fod yn dal yma i genedlaethau’r dyfodol ei fwynhau a’i werthfawrogi.

Os hoffech adael rhodd yn eich ewyllys i Ymddiriedolaeth Parc Cenedlaethol Arfordir Penfro, y cyfan sydd ei angen arnoch yw ein cyfeiriad elusen a’r rhif elusen gofrestredig, a nodir isod.

Cyfeiriad:
Ymddiriedolaeth Parc Cenedlaethol Arfordir Penfro
Parc Llanion
Doc Penfro
Sir Benfro
SA72 6DY

Rhif Elusen Gofrestredig: 1179281

Rhowch wybod i Ni

Os ydych eisoes wedi cynnwys Parc Cenedlaethol Arfordir Penfro yn eich ewyllys, a fyddech gystal ag ystyried rhoi gwybod i ni. Nid ydych dan unrhyw rwymedigaeth i wneud hynny, ond mae gwybod am eich cymynrodd yn ein galluogi i gynllunio’n fwy effeithiol ar gyfer y dyfodol. Rydym yn trin y wybodaeth hon yn gwbl gyfrinachol.

“Gyda’n gilydd, gallwn sicrhau bod harddwch a bywyd gwyllt Parc Cenedlaethol Arfordir Penfro yn parhau i ysbrydoli cenedlaethau’r dyfodol.”

EICH GWADDOL

Addewid i Sir Benfro

Mae gadael rhodd yn eich ewyllys yn benderfyniad personol iawn. Drwy ddewis cefnogi Parc Cenedlaethol Arfordir Penfro, rydych yn gwneud cyfraniad parhaol fydd o fudd i fyd natur ac i gymunedau am genedlaethau i ddod.

Rydym yn aelod o Gazette Cymdeithas y Cyfreithwyr. I gael gwybod mwy ewch i wefan Law Society Gazette.

Cwestiynau?

Os hoffech gael gair â rhywun am adael rhodd yn eich ewyllys neu os oes gennych unrhyw gwestiynau, cysylltwch â ni yn gyfrinachol ar 01646 624909 neu e-bostiwch katiem@arfordirpenfro.org.uk.