Gwneud cais am gyllid
Cefnogi pobl leol i helpu i wella natur yn eu cymunedau Cynllun grant bach sy’n cefnogi grwpiau Sir Benfro i gyflawni camau cadwraeth ac amgylcheddol cadarnhaol yn eu cymunedau lleol.
GRANT GWEITHREDU DROS NATUR
Cefnogi pobl leol i helpu i wella natur yn eu cymunedau
Gall grwpiau a sefydliadau cymunedol a busnesau wneud cais am hyd at £4,000 am grant bach ‘Gweithredu dros Natur’ ar gyfer prosiectau sydd â chamau cadarnhaol o weithredu ar gadwraeth ym Mharc Cenedlaethol Arfordir Penfro a’r cyffiniau.
Rhaid i brosiectau a ariennir gyflawni un o’r canlynol:
Camau cadarnhaol o weithredu ar gadwraeth neu newid yn yr hinsawdd.
Cefnogi bioamrywiaeth.
Creu man gwyrdd newydd.
Ymhlith yr enghreifftiau o’r math o brosiect y gallai’r gronfa ei gefnogi mae: creu dolydd blodau gwyllt ar ddarnau bach o dir comin/tir cyhoeddus, cynyddu’r cynefinoedd i bryfed peillio, plannu coed, creu perthi, plannu coed ffrwythau a chreu pyllau dŵr.
PWY ALL WNEUD CAIS?
Am ein grantiau
Sefydliadau nid-er-elw yn Sir Benfro sydd â chyfrif banc yn enw’r grŵp, gan gynnwys elusennau, sefydliad a busnesau megis darparwyr twristiaeth sydd â thir lle gall pobl dreulio amser yn cysylltu â byd natur neu fusnesau lle gellir dangos budd i’r cyhoedd gwirfoddol a gyfansoddwyd, cynghorau cymuned, ysgolion a chlybiau a chymdeithasau chwaraeon.
*Rhaid i fusnesau dangos budd cyhoeddus, er enghraifft darparwyr twristiaeth sydd â thir lle gall pobl dreulio amser yn cysylltu â byd natur.
Nid yw unigolion yn gymwys i wneud cais.
Rhoddir blaenoriaeth i geisiadau sy’n dod o’r ardaloedd cynghorau cymuned a chynghorau tref canlynol:- Boncath, Cilgerran, Clydau, Cwm Gwaun, Trewyddel, Penfro, Ystagbwll a Chastellmartin, Hundleton, Angle, Trefdraeth, Abergwaun ac Wdig, Crymych, Eglwyswrw, Nanhyfer.

Ceisiadau yn Agor
8.00am 1 Gorffennaf 2024
Ceisiadau yn cau
11.59pm 1 Medi 2024
Sut mae gwneud cais
- Llenwch y ffurflen gais fer. Mae’r ffurflen ar gael, a gellir ei llenwi yn Gymraeg neu yn Seasneg.
- Anfonwch eich cais wedi’i lenwi atom drwy e-bost. Y dyddiad cau ar gyfer ceisiadau yw 1 Medi 2024. Mae un dyddiad cau bob blwyddyn.
- Rhowch enw eich sefydliad ym maes pwnc eich e-bost a’i anfon at support@pembrokeshirecoasttrust.wales
Bydd y canllawiau canlynol o bosibl yn gymorth i chi lenwi’r cais. Gwnewch yn siŵr eich bod yn llenwi pob blwch. Nodir uchafswm y nifer geiriau a ganiateir. Nid oes angen i chi ddefnyddio’r uchafswm.
MANYLLION CYSYLLTU
- Rhowch enw eich sefydliad fel y’i nodwyd yn eich dogfen lywodraethu a’ch cyfriflen banc.
- Dywedwch wrthym beth mae eich grŵp yn ei wneud.
- Ticiwch y math o grŵp/sefydliad nid-er-elw ydych chi.
MANYLION Y PROSIECT
- Beth yw enw’r prosiect ac ymhle fydd yn cael ei gynnal? Noder lleoliad y prosiect ac ardal y cyngorcymuned neu gyngor tref.
- Pryd ydych chi’n bwriadu cychwyn ar y prosiect? Ni all fod wedi cychwyn eisoes; ni allwn dalu am eitemau yn ôl-weithredol.
- Pryd fyddwch chi’n gorffen y prosiect? Sylwer os gwelwch yn dda bod rhaid cwblhau’r prosiect erbyn 28 Chwefror 2025.
- Beth fyddwch yn ei wneud â’r arian grant? A fyddech gystal ag egluro’r manteision i fywyd gwyllt a’r manteision i bobl.
- A ydych wedi gwneud unrhyw ymchwil am yr angen? Pwy sydd eisiau’r prosiect a sut ydych chi’n gwybod hyn?
- Ai ardal gymunedol, pentref neu grŵp o bobl fydd yn elwa? Er enghraifft, pobl ifanc, rhieni, gofalwyr?
- Pa wahaniaeth fyddwch chi’n ei wneud? Sut fydd pobl neu’r amgylchedd yn elwa? Pa wahaniaeth fyddwch chi’n ei weld?
- Sut fyddwch chi’n gwybod eich bod chi wedi gwneud gwaith da? Sut fyddwch chi’n gwybod faint o bobl fydd yn elwa? Beth fyddwch chi’n ei wneud ar ddiwedd y prosiect i weld a oedd wedi gweithio?
CYLLIDEB
- Faint o arian ydych chi’n gofyn amdano? (Uchafswm o £4,000)
- Rhowch ddadansoddiad llawn o sut y byddwch yn gwario’r arian. Rhowch fanylion clir y costau a’r union ffigurau.
- Os na fydd yr arian grant yn ddigon i dalu’r costau yn llawn i gyflawni’r prosiect, o ble fydd gweddill y cyllid yn dod?
- Dim ond ar eitemau cyfalaf y gellir gwario’r arian.
DATGANIAD
- Ticiwch y blychau a llofnodi’r ffurflen i gadarnhau bod y manylion ar y ffurflen gais yn gywir. Dim ond person awdurdodedig, megis aelod o’r bwrdd neu bwyllgor, all lofnodi.
Pwyllgor Gwneud Penderfyniadau
- Mae un dyddiad cau y flwyddyn. Bydd pob cais yn cael ei asesu a’i sgorio, a bydd penderfyniad yn cael ei wneud cyn pen 4 wythnos o’r dyddiad cau.
Cyflawni
- Sylwer os gwelwch yn dda bod rhaid cwblhau’r prosiect erbyn 28 Chwefror 2025.
- Nid oes angen cyllid cyfatebol.
- Bydd yn ofynnol i bob prosiect a ariennir gwblhau diweddariad hanner ffordd drwy’r prosiect ac adroddiad ar ddiwedd y prosiect gyda thystiolaeth.
Dadlwythwch ffurflenni cais a gwybodaeth arweiniad
Y RHAI SYDD WEDI DERBYN GRANT GWEITHREDU DROS NATUR
2023
Roedd naw prosiect lleol ar draws Sir Benfro wedi elwa o gyllid Gweithredu dros Natur yn 2023.
2022
Roedd naw prosiect lleol ag effaith amgylcheddol gadarnhaol wedi elwa o gyllid Gweithredu dros Natur yn 2022.
Yn 2022, dyfarnwyd hyd at £1,000 i’n grwpiau cymunedol Gweithredu dros Natur i gyflawni prosiectau sydd o fudd i Barc Cenedlaethol Arfordir Penfro.
19. Mae Ysgol Greenhill, Dinbych-y-pysgod yn creu gwelyau uchel ar gyfer cynnyrch bwyd tymhorol, plannu blodau gwyllt mewn ardal o weirglodd, a chaniatáu i’r ardal ail-wylltio.
18. Fishguard Sports AFC Hefyd maent yn creu gardd o goed ffrwythau ar gyfer disgyblion yr ysgol a’r gymuned.
17. Mae Ysgol Gymunedol Doc Penfro yn creu gardd sy’n gyfeillgar i fywyd gwyllt a’r nod yw annog dysgwyr i feithrin cariad at natur ac ymdeimlad o gyfrifoldeb am ddyfodol cynaliadwy. Maent hefyd yn datblygu ardal ar gyfer pryfed peillio o fewn eu Gwarchodfa Wenyn lle byddant yn plannu clawdd ffrwythau fel ffin naturiol, a gwelyau gardd uchel o berlysiau.
16. Mae Ysgol Harri Tudur, Penfro yn creu gardd lesiant drwy blannu amrywiaeth o blanhigion a llwyni – lle perffaith i eistedd, myfyrio a mwynhau.
15. Mae Cymdeithas Gymunedol De Ridgeway, Maenorbŷr yn plannu gwrychoedd o rywogaethau brodorol ar eu safle newydd, yn ogystal â chreu ardaloedd helaeth i hau blodau gwyllt. Maent hefyd yn creu gardd bentref, rhandir, a pherllan.
14. Mae Cyngor Tref Dinbych-y-pysgod yn creu gardd i bryfed peillio yn lle’r planhigion a glaswellt ar Riw’r Castell ac yn darparu tybiau hunan-ddyfrio i leihau’r gwaith o gynnal a chadw.
13. Mae Grŵp Sgowtiaid 1af Johnston yn gwella bioamrywiaeth eu tiroedd yn ogystal â chreu lle i fyfyrio drwy blannu ar gyfer pryfed peillio yn Neuadd y Sgowtiaid a’r Gymuned yn Hill Mountain.
12. Mae Cymdeithas Amaethyddol Sir Benfro yn plannu coed ar faes sioe Llwynhelyg gyda chymorth gwirfoddolwyr a myfyrwyr ysgol Caer Elen.
11. Mae Cyngor Cymuned Dwyrain Williamston yn gwella’r cynefin lleol, gan ganiatáu i amrywiaeth o flodau gwyllt ffynnu drwy dorri’n ôl y mieri, coed y ddraenen ddu a gweiriau yn rheolaidd.
2021
Roedd deg prosiect lleol ag effaith amgylcheddol gadarnhaol wedi elwa o rownd gyntaf cyllid Gweithredu dros Natur yn 2021.

Cwestiynau?
Os hoffech gael gair gyda rhywun am grant gweithredu dros natur neu os oes gennych unrhyw gwestiynau, cysylltwch â ni ar 01646 624909 neu e-bostiwch katiem@arfordirpenfro.org.uk.