Gwreiddiau Roots

Wedi’i lansio yn 2019, dechreuodd y Prosiect Gwreiddiau fel menter i ddyfnhau dealltwriaeth o’r amgylchedd lleol a chynhyrchu bwyd. Bellach yn ei bumed flwyddyn, mae’r prosiect wedi esblygu i archwilio themâu ehangach, sef y defnydd a wneir o’r tir, adfer byd natur, a chysylltiadau cymunedol. Yn y bôn, mae Gwreiddiau yn parhau i ysbrydoli dysgwyr drwy greu mwy o ymwybyddiaeth o fyd natur a’r modd y mae pobl yn rhyngweithio â byd natur.

Gwreiddiau Roots

DYSGU AWYR AGORED

Dros y blynyddoedd, mae Gwreiddiau wedi rhoi profiadau dysgu yn yr awyr agored sy’n cyfoethogi ysgolion cynradd lleol ar draws ardal yr Hafan a Hwlffordd, gan feithrin chwilfrydedd ac ymgysylltu â’r dirwedd. Wrth i’r prosiect symud i’r cam nesaf, bydd ei ffocws yn symud i Aber y Daugleddau, y foryd ryfeddol a ffurfiwyd ar ddiwedd yr Oes Iâ ddiwethaf, lle mae’r Cleddau Wen a’r Cleddau Ddu, Caeriw, a Chresswell yn cydgyfarfod.

Y ddyfrffordd enfawr a deinamig hon yw aber afonydd fwyaf Cymru, ac mae’n gartrefle i borthladd masnachol, sector ynni ffyniannus, a chymuned fywiog o hwylio hamdden. Er gwaethaf arwyddocâd diwydiannol yr aber, mae’n parhau i fod yn hafan i fywyd gwyllt, gyda chefnau coediog serth ac ardaloedd gwarchodedig o fewn Parc Cenedlaethol Arfordir Penfro. Fel Ardal Cadwraeth Arbennig, mae’n cynnal rhywogaethau megis dyfrgwn, crëyr, morloi, ac elyrch, gan ei wneud yn lleoliad delfrydol ar gyfer addysg seiliedig ar le yn unol â ffocws Cwricwlwm i Gymru ar ddysgu drwy brofiad a chanolbwyntio ar y gymuned.

Diolch i gefnogaeth hael LNG South Hook, bydd Gwreiddiau yn parhau i chwalu rhwystrau i ddysgu awyr agored drwy gynnal teithiau ac adnoddau cymorthdaledig, gan sicrhau y gall dysgwyr Sir Benfro brofi treftadaeth amgylcheddol a diwylliannol unigryw yr aber yn uniongyrchol. Heb eu cyllid, ni fyddai’r prosiect hwn yn bosibl. Drwy archwilio ymarferol, bydd myfyrwyr yn ymgysylltu â materion o bwys megis bioamrywiaeth, newid yn yr hinsawdd, a chyfleoedd gyrfa lleol, gan feithrin cysylltiad dyfnach â’u hamgylchedd ac ysbrydoli ceidwaid y dirwedd hynod hon yn y dyfodol.

Roots river trip
Roots

LLWYFAN DYSGU DIGIDOL

Er mwyn ehangu ei effaith, bydd y prosiect hefyd yn datblygu llwyfan dysgu digidol, gan gynnig mynediad i ysgolion ledled Sir Benfro a thu hwnt i gyfoeth o adnoddau addysgol, templedi ymholiadau, a deunyddiau rhyngweithiol. Bydd hyn yn sicrhau bod buddion Prosiect Gwreiddiau yn parhau i dyfu, gan roi cyfleoedd parhaol i ddarganfod ac ymgysylltu â threftadaeth naturiol anhygoel Sir Benfro.

PCNPT Children

Disgyblion sy’n elwa

Bee Hive

Sesiynau addysg

Leaves in house

Ysgolion sy’n cymryd rhan

Jigsaw puzzle leaf

Gwella ardaloedd ysgol

PCNPT ABC

Oriau dysgu

PCNPT person breichiau i fyny

Athrawon sy’n elwa

SHLNG - Beach Academy Art Newgale crop

“Rydym yn falch o fod â chysylltiad ers amser maith ag Ymddiriedolaeth Elusennol Arfordir Penfro, drwy’r Prosiect Gwreiddiau. Yn y Terminal, mae gennym 100 erw a mwy sydd wedi’u neilltuo yn ardal cadwraeth natur benodol a reolir gennym yn gynaliadwy, felly rydym yn sylweddoli pa mor bwysig yw cynefinoedd natur amrywiol Sir Benfro. Dr wy’r fenter Gwreiddiau, rydym yn falch o gefnogi rhaglen addysg sy’n ennyn diddordeb plant yn yr awyr agored, yn creu cyfleoedd i gysylltu â’r amrywiol dirweddau, cymunedau a’r rhwydweithiau bwyd sy’n bodoli yn y sir arbennig hon.” Mariam Dalziel, Rheolwr Cysylltiadau Cyhoeddus.”

Mariam Dalziel, PR Manager.